Limyè letra

Kwaze solèy chimen trennen
Lapli tchoula lespwa pa donnen
N ap konte lè pou n wè malè
Douvan mizè nou tout bèbè
Chak gout swè k tonbe dlo je n neye n
Nou liminen pou Limyè a biye n
N ap tatonnen n paka brennen
De pye n mare nou antòtye

Limyè a pale
Se sèl vwa ou ki ka chant on w Melodi pou nou
Sèl ou ki ka klere chimen n lò n pèdi wout
Lò je n plen dout
Lò chay twò lou
Lò demen n twoub

Lanmè seche vizaj mouye
Tounen neye je san koule
Pa gen fanfa nanpwen kata
Lavi bwete bann chikata
Pousyè leve lari vegle
Souri n pati gwo van bwote
Zòtèy kase wout yo bouche
Zetwal nou lwen nou andanje

Limyè a pale
Se sèl men ou ki ka jwe de nòt lavi pou nou
Sèl ou ki ka louvri pòt ki fèmen sou nou
Lò je n plen dout
Lò chay twò lou
Lò demen n twoub

Vanessa Jeudi - Letras

• Flè Dizè (feat. D-Fi Powèt Revòlte)
• Geto Resital (feat. D-Fi Powèt Revòlte)
• Koulè (feat. Malada)
• Lento (feat. Règleman Afè Popilè)
• Limyè
• Nan Fon Lannuit (feat. K-Lib Mapou & Mawon Ann DJ)
• Pou Demen (feat. Règleman Afè Popilè)
• Pran Men W
• Sa Je Pa Wè (Akoustik)